إدارة الحملات مو بس إطلاق إعلان ومتابعة المشاهدات. هي شغل يومي على الاستهداف والمحتوى والميزانية، هدفه إن تكلفة العميل تنزل وعدد الطلبات يزيد شهر بعد شهر.
نركّب البكسل ونضبط أحداث الشراء والتواصل، عشان كل رقم في التقرير يكون حقيقي وقابل للقياس.
نحدد جمهورك حسب المدينة والاهتمامات والسلوك، ونبني جماهير مشابهة لعملائك الحاليين.
نختبر أكثر من فكرة ونص وتصميم في نفس الوقت، ونوقف الضعيف ونضاعف اللي يبيع.
ننقل الميزانية يوميًا للمنصة والحملة اللي تجيب أقل تكلفة طلب، بدل التوزيع الثابت.
نراجع الأداء كل يوم، ونعدّل العروض والاستهداف والمزايدات قبل ما تضيع الميزانية.
تقرير واضح بلغة مفهومة: كم صرفنا، كم طلب جا، كم كلّف، ووش الخطوة الجاية.
نختار المنصة حسب وين جمهورك فعلًا، مو حسب الترند. وكل منصة لها أسلوبها ونوع محتواها.
سناب من أقوى المنصات في السعودية للمتاجر والمطاعم والخدمات المحلية. نشتغل على إعلانات القصص والمجموعات وإعلانات الكتالوج، مع استهداف دقيق حسب المدن والأحياء.
على تيك توك المحتوى هو الاستهداف. نبني إعلانات بأسلوب المنصة نفسه، ونختبر الأفكار بسرعة، ونربطها بالمؤثرين عشان نوصل لمبيعات مو بس مشاهدات.
إعلانات البحث توصلك للعميل لحظة ما يدور على خدمتك. ندير حملات البحث والتسوق وPerformance Max واليوتيوب، ونختار الكلمات اللي فيها نية شراء.
إنستقرام مناسب للعلامات اللي تعتمد على الصورة والهوية. ندير حملات التحويل وإعادة الاستهداف والكتالوج على إنستقرام وفيسبوك.
منصة X مناسبة للوعي بالعلامة والإطلاقات والقطاعات اللي جمهورها مهتم بالأخبار والنقاش، مثل التقنية والعقار.
أرقام مارس 2026 مقارنة بفبراير، من حسابات تيك توك الإعلانية لعميلين في التجارة الإلكترونية. أخفينا أسماء العملاء احترامًا لخصوصيتهم.
| المؤشر | فبراير | مارس |
|---|---|---|
| الصرف | 4,728 ر.س | 5,116 ر.س |
| الطلبات المدفوعة | 37 | 77 |
| تكلفة الطلب | 127.8 ر.س | 66.4 ر.س |
| العائد على الإنفاق | 2.31× | 3.96× |
| نسبة النقر CTR | 0.81% | 4.76% |
وش سوينا: جددنا المحتوى الإعلاني بأسلوب تيك توك واختبرنا أكثر من فكرة، فارتفعت نسبة النقر تقريبًا 6 أضعاف ونزلت تكلفة النقرة من 0.83 إلى 0.15 ريال.
| المؤشر | فبراير | مارس |
|---|---|---|
| الصرف | 7,431 ر.س | 10,948 ر.س |
| الطلبات المدفوعة | 170 | 289 |
| تكلفة الطلب | 43.7 ر.س | 37.9 ر.س |
| العائد على الإنفاق | 6.08× | 6.72× |
وش سوينا: كبّرنا الميزانية تدريجيًا على الحملات الرابحة بس، فزادت الطلبات بدون ما ترتفع تكلفة الطلب. كل ريال إعلان رجّع تقريبًا 6.7 ريال مبيعات.
الطلبات والعائد حسب بيانات بكسل تيك توك في الحسابات الإعلانية. النتائج تختلف من نشاط لآخر حسب المنتج والسعر والسوق.
خلال 24 ساعة من تواصلك، نراجع حساباتك الحالية ونفهم منتجك وهدفك.
نحدد المنصات والجمهور والمحتوى والميزانية، وتوافق عليها قبل أي صرف.
نطلق الحملات بعدة أفكار ونختبرها، ونبدأ نكبّر اللي يجيب نتيجة.
تحسين يومي وتقرير كل أسبوعين، لين توصل تكلفة العميل للمستوى المستهدف.
التكلفة تعتمد على عدد المنصات وحجم الميزانية الإعلانية وهل تحتاج محتوى وتصوير معها. نحدد لك عرض واضح بعد جلسة التحليل المجانية، وعندنا باقات تناسب المشاريع الناشئة.
أول مؤشرات تظهر عادة خلال أول أسبوعين بعد الإطلاق، وتستقر النتائج وتتحسن تكلفة العميل خلال أول شهر إلى شهرين مع الاختبار والتحسين.
نعم. الحسابات والبكسل والبيانات ملكك، ونشتغل عليها بصلاحيات إدارة، وتقدر تشوف كل الأرقام بنفسك أي وقت.
الإعلان الممول يُطلق مرة ويُترك. إدارة الحملات تعني متابعة يومية واختبار محتوى وتعديل استهداف ونقل ميزانية، عشان تنزل تكلفة العميل وتزيد المبيعات مع الوقت.
أكيد. مقرنا في الرياض ونخدم عملاء في كل مدن المملكة، والتواصل والتقارير كلها أونلاين.
يعتمد على جمهورك ومنتجك. المتاجر والمطاعم غالبًا تبدأ بسناب وتيك توك، والخدمات اللي الناس تبحث عنها تستفيد من قوقل. نحدد لك الأنسب في جلسة التحليل.
جلسة تحليل مجانية لحساباتك الحالية، بدون أي التزام.